ਤਾਜਾ ਖਬਰਾਂ
ਪਾਣੀਪਤ- ਹਰਿਆਣਾ ਦੇ ਪਾਣੀਪਤ ਵਿੱਚ ਅੱਜ ਸ਼ੁੱਕਰਵਾਰ ਰਾਤ 8.15 ਵਜੇ ਜਨਨਾਇਕ ਜਨਤਾ ਪਾਰਟੀ (ਜੇਜੇਪੀ) ਦੇ ਇੱਕ ਨੇਤਾ ਦੀ ਗੋਲੀਆਂ ਮਾਰ ਕੇ ਹੱਤਿਆ ਕਰ ਦਿੱਤੀ ਗਈ। ਗੋਲੀ ਨੇਤਾ ਦੇ ਮੱਥੇ 'ਤੇ ਜਾ ਲੱਗੀ ਸੀ, ਹਮਲਾਵਰ ਨੇ ਜੇਜੇਪੀ ਨੇਤਾ ਰਵਿੰਦਰ ਮਿੰਨਾ ਦੇ ਨਾਲ ਉਸਦੇ ਚਚੇਰੇ ਭਰਾ ਅਤੇ ਇੱਕ ਹੋਰ ਵਿਅਕਤੀ 'ਤੇ ਵੀ ਗੋਲੀਬਾਰੀ ਕੀਤੀ। ਦੋਵੇਂ ਜ਼ਖਮੀ ਹਨ, ਜਦਕਿ ਜੇਜੇਪੀ ਨੇਤਾ ਦੀ ਮੌਤ ਹੋ ਗਈ ਹੈ।
ਰਵਿੰਦਰ ਮੂਲ ਰੂਪ ਵਿੱਚ ਪਿੰਡ ਜੱਸੀ ਦਾ ਵਸਨੀਕ ਸੀ। ਉਹ ਸ਼ਹਿਰ ਦੇ ਵਿਕਾਸ ਨਗਰ ਵਿੱਚ ਰਹਿ ਰਿਹਾ ਸੀ। ਮੁਲਜ਼ਮ ਦੀ ਪਛਾਣ ਰਣਬੀਰ ਵਾਸੀ ਪਿੰਡ ਜੱਸੀ ਵਜੋਂ ਹੋਈ ਹੈ। ਹਾਲਾਂਕਿ ਘਟਨਾ ਦੇ ਬਾਅਦ ਤੋਂ ਉਹ ਫਰਾਰ ਹੈ। ਪੁਲਿਸ ਇਸ ਮਾਮਲੇ ਦੀ ਜਾਂਚ ਵਿੱਚ ਜੁਟੀ ਹੋਈ ਹੈ।ਘਟਨਾ ਤੋਂ ਦੋ ਘੰਟੇ ਪਹਿਲਾਂ ਰਵਿੰਦਰ ਨੇ ਸੋਸ਼ਲ ਮੀਡੀਆ (ਫੇਸਬੁੱਕ) 'ਤੇ ਇਕ ਸਟੋਰੀ ਪਾਈ ਸੀ, ਜਿਸ ਵਿਚ ਉਹ ਆਪਣੇ 7 ਤੋਂ 8 ਦੋਸਤਾਂ ਨਾਲ ਨਜ਼ਰ ਆ ਰਿਹਾ ਹੈ।
Get all latest content delivered to your email a few times a month.
